【活動體驗】非一般宿營-化身名偵探x訓練各種專注力營

你哋幾大開始比小朋友參加宿營呢？ 可能因為身形細粒嘅問題，一直覺得浠姐未大個，加上大頭蝦到得人驚+橫衝直撞的性格，令我哋一直無幾放寛佢嘅自由。😏 終於有日（覺醒😆），覺得佢其實已經長大，可以獨自嘗試更多活動，於是就報咗個宿營比佢。 不過有時啲嘢真係估佢唔到，就係出發當日，我發現......我中招了😱。咁作為密切到不能再密切的接觸者，都要被困7日了。 浠姐當然就十分失望啦😔！不過今次真係塞翁失馬，無得參加個普通宿營，但有得參加個專注力訓練營 ！ 真係估唔到去宿營都仲可以訓練 專注力，實在太岩呢個專注力咁弱嘅浠姐啦！💖 專注力真係好重要，專注力比較弱就好容易受周圍環境影響而分心，以至於會表現得不留心聆聽，心不在焉，亦難以按照指示做事。延伸到做事缺乏條理， 比較善忘，經常欠帶或遺失物件。(唔好再講啦~再講我想喊😭) 唔知你又知唔知，原來專注力有分成5種咁多 : 2. 選擇性專注力（Selective Attention） 能不受外來環境影響，選擇專注特定目標的能力 3. 持續性專注力（Sustained Attention） 能在特定事物中維持一段長時間 4. 轉換性專注力（Alternating Attention） 能在特定事物中專注，中斷後亦能再次回復專注力 5. 分散性專注力（Divided Attention） 能有效分配自己的專注力，同時有能力執行多項任務 你都知平時啲專注力訓練班有幾貴啦 (講起又係想喊😢)，今次呢個專注力訓練宿營一個價錢可以訓練到佢獨立之餘，以上嘅專注力訓練都會訓練到，計起上嚟真係超值呀！ 訓練營導師係由家庭治療師、社工、幼教老師組成，活動期間會運用提示卡，有效鍛鍊兒童左腦思維、專注力、有條理地完成各項任務。遊戲過程滲入訓練元素，比小朋友化身為偵探角色參與一宗推理案件，邊玩邊訓練，咁小朋友就唔會覺得悶啦! (一悶就會分心啦~)。 遊戲內容具挑戰、限時、解難、偵探等元素，將大腦訓練變得有趣，激發孩子多運用邏輯、分析、線性思考。 咁就為大家簡介下2日1夜究竟有咩玩啦！ 宿營，喺一個陌生的環境，同一幫陌生的人過最少2日1，一切都係咁新鮮同好奇。自己照顧自己，亦係學識獨立的好時機。想當年我十幾歲先去宿營，同一班同學，感覺就好似去咗旅行咁開心。😆 除咗訓練下獨立同膽量之外，就梗係唔少得呢個營的主打活動啦 – 從遊戲中學習如何專注，又同大家分享下玩咗啲咩先。(以下遊戲由浠姐口述，如有錯漏……就由得佢啦, 哈哈) ~~~~~~~~~~💓~~~~~~~ 👆City Detectives 將隊員分為兩隊，根據指引化身小偵探，去搵提示完成任務及搵路到順利到達目的地-烏溪沙青年新村 👆視覺及聽覺專注力訓練活動 墊上有數字1-9, 導師講出數字，隊員需要跟著順序跳，全隊隊員完成後舉手為贏。 👆持久性專注力訓練活動 全隊合作,每人負責不同崗位，合力取得面前物件。👆體驗活動：小小偵探 每位隊員穿上魔法袍，然後矇上眼，輪流做組長帶領組員去探索及跟引令完成任務。 👆選擇性專注力訓練活動 全隊組員先作討論，然後再合力將小珠遂一傳送到最後，完成相關圖案。 👆分散性專注力訓練活動 草地上玩經典大風吹遊戲，刺激又緊張。 👆持久性專注力訓練活動 其中一個隊員需要矇上眼，然後另一隊員發出指引，引導矇眼隊員拿起吹氣棒棒打白布。然後再玩記憶步伐遊戲。 總結 : 浠姐有得玩有得過夜，當然就開心到不得了。而媽媽我放佢自由更加放自己自由，一樣快樂😎 (你懂得~) 希望下次有機會再參加。 ~~~~~~~~~~~~~~~~~~~~ Hope Development Center (悅望全人發展中心) 針對小朋友各項發展需要提供兩日一夜的訓練。配合不同發展主題，走進一場「夢幻之旅」，小朋友在營地中會逐步成長。   👉https://hkhdc.com.hk/ 👉https://www.facebook.com/HKHDC/?locale=ms_MY 🙆Follow Me~~ 💜💜Facebook  💜💜 💚💚Youtube💚💚 💛💛 IG 💛💛 #親子 #好去處 #露營 #2日1夜 #宿營 #專注力 #專注力訓練 #日營 #入營 #訓練營 #名偵探 #成長訓練營 (此文章由U Blog 同步發佈至社群)